#liveinmarconistreet FLO, Fosse Capace.

#flo #music&thecity

Fosse capace

‘e te vení a cercare

fino a ‘nfunn ‘o mare

addò ‘o scandaglio nun po’ arrivare

Fosse capace

‘e te vení a cercare

fino a ‘ncopp ‘o sole

addò l’auciello nun s’azzarda a pensare

Fosse capace

‘e sta deritt’ mmiez ‘o viento

cu ‘na faccia felice

te dicesse nun è niente

Fosse capace

‘e campare ‘na vita ‘o cuntrario

e me stesse cu ‘a capa avutata

pe’ sotto e cu ‘e piere pe’ ll’aria

Fosse capace

scagno ‘a notte p’o juorno

pe te veré ‘e durmì

nun dormo

Fosse capace

ma te guardo ‘a luntano

senza dicere niente

mett’ ‘a faccia dinto ‘e mmane 

e m’annasconno

pecché fosse capace e tu

nun te n’accuorge

nun te n’accuorge ‘e me

Fosse capace

e fare sott’ e ‘ncopp o munn’ sano

cammenasse pe’ ddo’ tu cammine

Fosse capace

e te tuccà sultanto chiano chiano

pe’ te tenè vicino

Fosse capace

e scavà dinto ‘o scuro

tutt’ chello ca pierde

je ‘o truvasse sicuro

Fosse capace

ma te guardo ‘a luntano

senza dicere niente

mett ‘a faccia dinto ‘e mmane 

e m’annasconno

pecché fosse capace e tu

nun te n’accuorge

nun te n’accuorge ‘e me

e ‘nfunno, sempe cchiù ‘nfunno

astipo o nomme tuoje e ‘o scuorno e ‘nu cecato

‘nfunno, sempe cchiù ‘nfunno

a me nun m’è passata

e ‘nfunno, sempe cchiù ‘nfunno

si n’ata primmavera passarrà

e ‘nfunno, sempe cchiu ‘nfunno

fosse capace e nun ‘a fa passà

26
Condividi